Angeles Dorrio é unha vocalista galega cunha longa experiencia en formacións de jazz e soul, que participou en traballos discográficos de diversos artistas (Luar na Lubre, Carmen Rey, Mc Rimas, etc.). Estudou técnica de voz ("voice craft") con Helen Rowson e Paul Harrington, así como harmonía, improvisación e canto moderno na Escola-Estudio (Santiago de Compostela). Viaxou ata Londres para completar a súa formación na Guildhall School of Music and Drama.

Dorrio é a voz solista feminina do grupo de acid-jazz Venueconnection. Tamén forma parte do trío Gospel 3 e do cuarteto vocal Ejazz, ademais de coordinar o coro feminino Sisters In The House.