Arcadio Mon García, músico e compositor, naceu no 1949 en Bacoi (Alfoz), no seo dunha familia de intérpretes, a música sempre foi a súa gran paixón, a súa vocación e a súa profesión. Finou en Foz o 27 de abril do ano 2016.

Arcadio Mon formouse músicalmene na Coruña, tocou en numerosas orquestras (Los Españoles, Los Mejoranos, Ciudad de Lugo, Nueva Ola,...), fundou a Escola de Música de Foz e dirixiuna durante anos. Do seu espírito emprendedor tamén naceu a Banda de Música de Foz. Do mesmo xeito que durante o resto da súa vida, nos últimos anos cooperou e participou en numerosas iniciativas musicais. Entre as últimas, homenaxes que Foz rendeu en marzo ao poeta Manuel María.