Quixera ser:
Quixera ser as ondas do teu pelo,
o vento que acariña a túa cara,
a rosa das mil follas florecidas
e as cores que levas na túa mirada.
Quixera ser o mastro da túa dorna
e navegar contigo alén dos mares
á procura de novos paraisos
para deixar a un lado a soidade.
Quixera ser auga morna
que esvara na túa pel,
mirada feiticeira coa
que te vou a envolver. (x3)
Quixera ser meniña dos teus ollos
e a bágoa que acariña as túas meixelas,
cantiga que adormece as túas feridas,
afundirme no teu corpo de lúa chea.
Quixera ser auga morna
que esvara na túa pel,
mirada feiticeira coa
que te vou a envolver. (x5)
Álbum: Ao son da auga
Tema: 6
Ano: 2009