Vilaxoán:

Pentei o norte bravío

ó chegar a Vilaxoán

sentín o alento frío

do corazón arousán.

Pasei pola Insuiña

por ver se falaba o mar.

Ouvín toda a alma miña

o seu fulxente rolmar.

Sentín mornas saudades

principios de amor salgado.

Fiquei quedo en liberdade

neste fogar ancorado.

A Sobrán chegueime entón

pra cantarlle á Pedra Fría

porque namorado estou

deste recuncho da Ría.

Pasei pola Insuiña

por ver se falaba o mar.

Ouvín toda a alma miña

o seu fulxente rolmar.

A Sobrán chegueime entón

pra cantarlle á Pedra Fría

porque namorado estou

deste recuncho da Ría.