ALberto Vilas Quinteto é unha formación que nace no ano 2009 arredor do pianista de Redondela Alberto Vilas, actual profesor de piano no Conservatorio de Música "Manuel Quiroga“ de Pontevedra, autor de tódalas composicións que conforman o repertorio do grupo.

 A finais do ano 2010 deciden meterse no estudio de grabación para rexistrar o que ía se-lo seu primeiro traballo como quinteto. Este primeiro álbum vería a luz en decembro de 2011 e levaría por título “Experianza”, editado polo selo Azos Jazz.

No 2016 refúndanse en ALberto Vilas Quartet, incorporando á cantante cubana Diana Tarín.

Membros:  Rosolino Marinello (guitarra do jazz);  Juansy Santomé (saxos); Javier Barral (batería); Alberto Vilas (piano); Felipe Villar (contrabaixo).